Pel camín de la llingua asturiana

Primer Númberu de la Revista "Pel Camín de la Llingua Asturiana"

2010-06-15T18:35:00.003+02:00

Acabóse'l cursu y con él toles actividaes que venimos empobinando dende l'asignatura d'asturianu. Por ello, y en collaboración colos mozos y moces del Tercer Ciclu, sacamos el primer númberu de la revista "Pel Camín de la Llingua Asturiana".
Esta revista quier valir de resume de tolo desarrollao a lo llargo'l cursu, al tiempu que vos anima a siguir deprendiendo asturianu, porque escoyer Llingua Asturiana ye conocer meyor Asturies, el sitiu onde vivimos.

Open publication - Free publishing - More lliteratura

¡Salimos na prensa!

2010-06-08T11:51:00.006+02:00

Los principales periódicos d'Asturies saquen una noticia sobre la Entrega de Premios del concursu "Ruempi la Mollera".
Equí vos dexo los enllaces pa si quereis echai una güeyada (en La Nueva España hai una sorpresa).

Semeyes de la Entrega de Premios de "Ruempi la mollera"

2010-06-08T11:12:00.011+02:00

Toos y toes col merecíu diploma

Toos xuntos p'abrir el premiu

Nel taxi de vuelta pa la escuela

Na esposición sobre los trabayos presentaos

Posando pa los medios de prensa

Mui formales nel Salón d'actos

Otra imaxen del bus

Nel bus de la que salíemos

Selmana de les Lletres Asturianes. Guía de Llectures

2010-05-10T10:58:00.003+02:00

Con motivu de la Selmana de les Lletres Asturianes Eva, la responsable de la Biblioteca del colexu, ayudónos a facer esta guapa guía de llectures n'asturianu recomendaes.

¡Que vos presten!

Open publication - Free publishing - More lliteratura

Selmana de les Lletres Asturianes. Actividaes

2010-05-10T10:39:00.006+02:00

Esti añu la Selmana de les Lletres Asturianes ta dedicada al poeta de Mieres Xosé Antonio García. Por embargu como los sos poemes son más bien p'adultos, nel colexu decidimos dedicar esta selmana festiva a celebrar la Biodiversidá d'Asturies coincidiendo col Añu Internacional de la Diversidá Biolóxica.

Asina los neños y neñes del Primer Ciclu trabayamos:

Los rapacinos y rapacines del Segundu Ciclu trabayamos:

Y los mozos y moces del Tercer Ciclu trabayamos:

Sesión 3. Terceru de Primaria

2010-03-18T16:52:00.003+01:00

L'horru forma parte de la casa llabriega asturiana. Ye una construcción onde se guarden alimentos (patates, cebolles, nueces, maíz, quesu..), ropa o ferramientes.
Aguántase enriba cuatro pegollos, que tienen la finalidá de que los mures nun puedan esguilar y entrar na despensa. L'espaciu qu'hai debaxo llámase solhorru y aprovéchase pa guardar el carru.
L'horru pue desmontase y treslladase d'un sitiu pa otru.
Delles veces los horros tienen adornos tallaos o pintaos. Les partes que más se solíen decorar yeren el lliñu y les colondres.
Los horros asturianos pueden tener el teyáu de teya, de llábana o vexetal.

Dibuxa esti horru na llibreta, bien curiosín, como si fuere un cuadru, y asitia estes partes según correspuenda:

pegollu, muela, subidoria, teyáu, trabe, colondra, lliñu

Pa faclo pues consultar esta páxina y esta otra.

Visita d'Alfredo González

2010-03-15T11:00:00.014+01:00

El pasáu vienres 12 de marzu visitó la nuestra escuela'l cantautor Alfredo González, ganador de la Meyor Canción n'asturianu del añu 2009 col tema "La nada y tú".

Facía bien de tiempu que veníemos sintiendo'l so discu en clase d'asturianu y teníemos munches ganes de conocelu personalmente. P'aprovechar la visita caún de los alumnes de quintu y sestu preparó una pregunta rellacionada cola so carrera profesional, colo que per un momentu convertímonos en periodistes profesionales. Amás, les rempuestes que nos dio'l cantautor asturianu van salir espublizaes, como si fuere una rueda de prensa de les de verdá, nel especial del periódicu escolar que saldrá con motivu de la Selmana de les Lletres.

Pa rematar, amás d'entrevistalu, dos de los nuestros compañeros (Darío y Nicolás) tuvieron la oportunidá d'interpretar dellos temes a la guitarra, detalle qu'Alfredo González contestó cola interpretación, pa nosotros n'esclusiva, del cantar que más nos presta "La nada y tú".

Equí dexamos unes cuantes semeyes de la "firma d'autógrafos" pa poder presumir en casa:

Esti añu toca antroxase

2010-02-07T21:46:00.004+01:00

Tamos en tiempu d'Antroxu, tiempu de mazcarase y pasalo bien.
Esti añu por cuenta de la folixa qu'organicen nel colexu l'alumnáu de Quintu y Sestu vamos recitar unes Coples, costume bien asturiana d'estes feches.

¡Esperamos que vos presten!

Sesión Tercera. Quintu y Sestu de Primaria

2010-02-04T17:24:00.005+01:00

¡Yá nos llegó la Tercer Entruga del concursu "Ruempi la Mollera"!

Plantéganos lo siguiente:

Camudaron el pixín poles tarxetes ciudadanes, les amasueles por papeles y el xelu polos ordenadores, pero sigue tanto al llau de la mar y tienes que pidir la vez. ¿Sabes de qué tamos falando?

Como falamos en clase vamos aprovechar esta pregunta pa saber daqué más sobre los animales de la mar.

Picar enriba de los pexes qu'escoyisteis y sacar tola información interesante que nos apurre d'ellos la Rede.

Quintu: Xargu, zurdu, pulpu, pixín, parrocha, xarda, oriciu, bugre, salmón y centollu.

Sestu: Andarica, ñocla, amasuela, cóngaru, muxón, chopa, furagaña, bonitu, llocántaru, ferrete y pexe globu.

Pa poder facer los dibuxos de los pexes seguro que ye mui interesante esta páxina.

Sesión 2. Terceru de Primaria

2010-02-01T11:03:00.004+01:00

Como yá vimos en clase'l cuélebre ye un personaxe mitolóxicu que tien el cuerpu cubiertu d'escames y un par d'ales bien grandes, colo que paez una mecedura ente culiebra y esperteyu.

Pica enriba de la palabra cuélebre y cola información que saques respuende a estes entrugues:

¿A quién o qué curia'l cuélebre?

¿Cómo se llamen los sitios del conceyu de Cangues d'Onís que lleven el nome del cuélebre?

Si yá acabaste coles entrugues pues ver esti vidiu que nos fala d'otros personaxes mitolóxicos:

Sesión 1. Cuartu de Primaria

2010-01-20T13:34:00.006+01:00

Asturies, amás de sidra, tamién produz vinu. Esti vinu conozse como vinu de la Tierra de Cangas, y faise nestos conceyos: Cangas del Narcea, Ayande, Degaña, Grandas de Salime, Ibias. Eilao y Pezós.

Paez ser que les primeres plantaciones de viñes nestos conceyos ficiéronles los romanos va cásique dos mil años. Dempués fueron los monxos de los monasterios, sobretoo del monasteriu de Courias, al llau de Cangas del Narcea, los que caltuvieron esta tradición de facer vinu.

Tradicionalmente'l vinu de la Tierra de Cangas sírvese nun cachu, que ye un recipiente de madera del que se bebe en comuña, pasándolu d'una persona a otra.

1. La palabra "cachu" ye polisémica (yá sabes, tien más d'ún significáu). Úsala pa tornar al asturianu na llibreta estes oraciones que tán en castellán:

Le dio un pedazo de tocino.
Te esperé un buen rato.

El vino está en el recipiente.

Luisa es un pedazo de pan.

2. Mira nel mapa que tienes na última fueya del llibru y contesta a estes preguntes sobre los siete conceyos que producen el vinu:

Ye'l conceyu más grande d'Asturies -

A esti conceyu nel nome namás-y falta una vocal -

Esti conceyu ye'l más pequeñu de los siete -

Ye'l conceyu que ta más al sur -

Los tipos de mazanes

2010-01-13T19:21:00.006+01:00

En cuartu d'Educación Primaria tuvimos trabayando l'Amagüestu fixándonos especialmente nel mundu de la sidra: el vocabulariu, la ellaboración, los llagares que conocíemos....
Comentamos entós qu'hai munchos tipos de mazana de Sidra, y que yera interesante que preguntáremos en casa si conocíen dalgún d'ellos.

¡Esti ye'l guapu resultáu!

Tiempu d'iviernu

2009-12-18T21:28:00.003+01:00

Namás queden dos díes pa que nos den ¡Les vacaciones!

¡Dende la clase de Llingua Asturiana queremos deseavos a toos y a toes mui bones fiestes y entrada d'añu 2010!

Y pa ello vamos dexavos una bona noticia.
Y un guapu cantar que Nuberu-y dedica a los reis magos.

Segunda Sesión - Quintu y Sestu de Primaria

2009-12-01T13:01:00.003+01:00

La nueva entruga del concursu "Ruempi la Mollera" fálanos de les ciudaes hermanaes con Xixón.

En primer llugar ¿Sabes lo que ye una ciudá hermanada?
Copia esta entruga na llibreta y contesta picando equí y equí.

En segundu llugar vamos ver si somos quienes a saber dalgo más de les ciudaes hermanaes de Xixón.
El grupu ún va apuntar la información rellativa a Albuquerque, el segundu La Habana, el terceru Niort, el cuartu Novorossiysk, el quintu Puerto Vallarta, el sestu Tinduf, el sétimu Wilaya de Smara.

Sesión 1. Terceru de Primaria

2009-11-26T14:38:00.012+01:00

L'otru día falábamos en clase d'un páxaru mui especial que ye pequeñu y tien la pechera colorada ¿acordaisvos?
Nesta sesión vamos conocer dalgo más sobre cuatro páxaros que seguro que conoceis. Pica nes imáxenes pa saber más:

Cola información que yá tienes, contesta na llibreta a estes entrugues:

1. ¿Cuándo esnala la curuxa?
2. ¿Cuántos centímetros mide la pega de llargo?
3. ¿Ónde s'atopen los raitanes?
4. ¿Qué ye'l ñerbatu, carníboru, herbívoru o omnívoru?

Si yá contestaste a toles entrugues pon los cascos pa ver esti vidiu:

Sesión 1 - Sestu de Primaria

2009-11-19T17:16:00.009+01:00

Ún de los xéneros narrativos que vamos trabayar tanto en Lengua Castellana como en Llingua Castellana ye la entrevista.

Pa qu'haya entrevista ye necesaria la presencia de, a lo menos, dos persones: entrevistador y entrevistáu. Nesti casu tú vas ser l'entrevistador y ún de los músicos que sentimos en clase Alfredo Gónzalez, va ser l'entrevistáu. Pa ello necesitamos:

1. Saber dalgo más del entrevistáu. Pa ello vamos visitar estes páxines y tomar apuntes de les coses importantes.

Referencia del músicu na páxina especializada de música Lastfm.

Noticies rellacionaes cola so trayectoria musical como esta, esta y esta otra.

Otres entrevistes que-y ficieron nos medios de comunicación n'asturianu Les Noticies y Asturnews, pero, ¡ciudadín! puen danos idees pero nun se val copiar.

Un vidiu de la so actuación na gala na que ganó'l premiu al Meyor Cantar n'asturianu.

2. Redactar les entrugues pa ello piensa qu'has de preguntai temes xenerales (venceyaes a la so carrera musical, los sos gustos, les sos opiniones) y más d'actualidá (rellacionaes col últimu discu, conciertos, o participación nel Liet Internacional).

¡Que nun te dea cascanciu! ¡Fai una entrevista curiosa de non menos d'ocho entrugues!

Sesión 1 - Segundu de Primaria

2009-11-18T17:47:00.018+01:00

¡Hola neños y neñes!

Vamos a plantegavos nesta sesión trabayar los animales lo mesmo que trabayamos nel Primer Tema con "La Granxa de Nel".
Nes Caseríes o granxes como la de Nel hai animales como: burros, gochos, pites, vaques, oveyes, cabres o coríos. N'Asturies tamién hai animales que namás podemos topar quí, son lo que llamamos Races Autóctones.

¡Pica enriba de les semeyes pa saber más d'ellos!

Nel mundu hai otros animales mui diferentes, a ver si te suenen ESTOS:

L'oriciu de les palabres

2009-11-17T19:45:00.007+01:00

Como sabeis l'oriciu nun ye sólo'l de la mar, tamién el que guarda les castañes cuando vamos a la gueta d'elles. Nesti casu los escolinos y escolines del Primer Ciclu d'Educación Primaria ficimos, con motivu del Amagüestu, un oriciu nel que caún de nosotros metimos les nuestres propies castañes.

A esti mural con forma d'oriciu que colgamos nel pasiellu del colexu llamámoslu "L'oriciu les palabres" porque en caúna de les castañes qu'había nél escribimos una riestra de palabres rellacionaes con esta época del añu tan guapa.

Los neños y neñes de Primeru escribimos les palabres: árbol, castañes, seronda, sidra y amagüestu. Y los neños y neñes de Segundu palabres asemeyaes pero con artículu ¡que pa eso somos más mayores!: el pumar, la casería, les castañes, sidra del duernu y les mazanes.

Equí teneis los nuestros trabayos:

Mural de Primeru

Mural de Segundu

Amagüestu

2009-11-17T17:41:00.004+01:00

Nel Amagüestu d'esti añu dende la clase de Llingua Asturiana espublizamos esti Boletín coles actividaes que vamos faciendo, el vocabulariu básicu del Amagüestu y unos cuantos llibros n'asturianu encamentaos dende l'asignatura.

¡Nel Alfonso Camín vamos rompenos la mollera!

2009-11-10T18:02:00.003+01:00

Esti añu l’alumnáu de llingua asturiana de quintu y sestu d’Educación Primaria del colexu Alfonso Camín tamos participando nel concursu “Ruempi la mollera” qu’organiza la Oficina Municipal de la Llingua de Xixón.
Pa ello vamos ellaborar trabayos que contesten a les preguntes que se vayan plantegando, pero tamién cuntando’l procesu que los fai posible pente medies d’esti blogue. Delles veces lo importante nun ye’l resultáu final, sinón el procesu que nos lleva a él; y por eso (¡y tamién porque nos presta a esgaya lo de restolar pela Rede!) vamos dir colgando los nuestros progresos.
Si quies visitar el nuestru blogue: ¡Pica equí!